Verhouding met mekaar kweek ‘n sterk gevoel van familie en eenheid binne die Koninkryk van God. Ons fokus dus op inklusiewe asook generasie-gespesialiseerde-bediening.
Dit is vir ons uiters belangrik om ons gesamentlike byeenkomste so te reël, dat dit gefokus is op die vereniging en bevordering van verhoudings binne die gemeente. Die hele gesin en die welstand binne die gesin is vir ons ‘n groot prioriteit, maar terselfdertyd tyd is die weduwee en wese (hulle wat dalk alleen loop) deel van ons Bybelse fokus en daarom nie minder belangrik in ons byeenkomste nie
Ons is ook bewus dat daar unieke behoeftes en belangstellings is binne elke generasie, en daarom bied ons ook gespesialiseerde programme en geleenthede aan, wat aangepas is by die verskillende belangegroepe binne ons kerkgemeenskap.
Dit verseker eenheid, geestelike groei en betekenisvolle verhoudings in die Therapéa Gemeente.