Die alles oortreffende doel van beide die individuele gelowige en die gemeente is om God in alles te verheerlik.
Ons opregte gebed is dat elke gelowige in die Therapéa Gemeente God deur hul persoonlike geloof, gehoorsaamheid en daaglikse getuienis sal verheerlik. Sodoende sal ons as gemeente God verheerlik deur eensgesindheid, aanbidding en die uitbreiding van God se Koninkryk.
Deur onsself te verdiep in God, te verenig as ‘n geloofsgemeenskap, die donker wêreld te verlig deur die boodskap van hoop in Christus en gebroke mense te omarm, lief hê en verbind, sal ons God verheerlik.
Verhouding met Hom, mekaar en elke mens vir wie Hy gesterf aan die kruis vervul ons roeping as Kerk en kan ons uitsien na die beloning wat ons te wagte is op die dag wat Jesus weer terug kom!