Ons wil ons lig so laat skyn dat die wêreld die hart van God kan sien en Sy liefde as ‘n werklikheid kan leer ken. Binne hierdie werkwyse sal ons as getuies die Evangelie uitleef in die omgewing wat God vir ons bestem het.
As Therapéa Familie streef ons daarna om elke individu binne die gemeente toe te rus om Christus se lig te laat skyn binne elkeen se unieke omgewings. Ons droom is om elke gelowige binne die gemeente in staat te stel om die Goeie Nuus van Jesus in die alledaagse lewe effektief uit te leef en deur so te leef, siele vir die Koninkryk van God in te oes.
As gemeente inisieer en organiseer ons gesamentlike evangelisasie- en sendinguitreike. Ons doel is om die hart van die Therapéa Gemeente te verenig rondom die groot opdrag waarmee God Sy Kerk geroep het.
God het Sy Kerk geroep om lewens te transformeer en siele te wen in ‘n verloregaande-wêreld.